ವಿಷಯ-ವಿಷ-ಸರ್ಪ

 ವಿಷಯ-ವಿಷ-ಸರ್ಪ

ಸತ್ತ್ವ ರಜಸ್ತಮ ಮೂರು ಗುಣಗಳ
ಲೋಕದ ಲಕ್ಷಣ ಭಯ, ಅಸ್ಥಿರತೆ;
ಅದರೊಳು ಸುಖವನು ಹುಡುಕುತ ಹೋದರೆ
ಹುಚ್ಚು ಹುಡುಕಾಟ, ಕೊನೆಗೆ ವಿಫಲತೆ.

ಕೈಗೆ ಸಿಕ್ಕಿದರೂ ಹತ್ತಿರ ಬಂದರೂ
ತೊಡಗದಿರು ಮನವೇ, ಅದು ಕಚ್ಚುವುದು;
ವಿಷಯವೆಂಬುದೇ ವಿಷದ ಸರ್ಪವು,
ಇಂದ್ರಿಯ ಕಡಿತ ಜೀವ ಸುಡುವುದು.

ಸೇವೆಯ ಭಾವದಿ ಬಂದರೆ ವಿಷಯ
ಅನುಕೂಲವಾಗಿ ಒಲಿದು ನಿಲ್ಲುವುದು;
ಭೋಗದ ಬುದ್ಧಿಯಲಿ ಹಿಡಿದರೆ ಅದನು
ಹಾವಿನ ಹೆಡೆಯಾಗಿ ಹೊಡೆಯುವುದು.

ಭೋಗವೇ ಮೂಲ ರೋಗಕೆಲ್ಲಾ,
ಕಡಿತದ ಜ್ವರ, ತಾಪ, ಬಾಧೆ;
ಭೋಗದಿ ಮುಳುಗಿದ ದೇಹ ಕೊನೆಗೆ
ವಿಷಮಯವಾಗಿ ತೀರುವ ವ್ಯಥೆ.

ಬ್ರಹ್ಮನಿಧಯೇ ವಸಿಷ್ಠಾಯ